نائب وزیر اعظم و وزیر خارجہ اسحاق ڈار نے ایرانی وزیر خارجہ عباس عراقچی سے ٹیلی فونک رابطہ کیا۔

ترجمان دفتر خارجہ کے مطابق اسحاق ڈار نے آج دوپہر ایران کے وزیرِ خارجہ عباس عراقچی سے گفتگو کی اورخطے کے امن و استحکام، موجودہ مسائل کے جلد حل کےلیےمکالمے کی ضرورت پر زور دیا۔

ترجمان نے بتایاکہ دونوں رہنماؤں نے قریبی رابطے میں رہنے پر اتفاق کیا۔

ترجمان دفتر خارجہ کے مطابق دونوں رہنماؤں نے وزیراعظم شہبازشریف اور ایرانی صدر کے درمیان آج ٹیلیفونک رابطے پربھی اتفاق کیا۔

خیال رہے کہ امریکا اور ایران کے درمیان مذاکرات کا دوسرا دور اسلام آباد میں ہوگا اور امریکی صدر نے اپنے نمائندے بھیجنے کا اعلان کیا ہے۔