کراچی میں ہلکی بارش کا امکان
کراچی میں آئندہ 24 گھنٹوں کے دوران بوندا باندی اور ہلکی بارش کا امکان ہے۔
محکمہ موسمیات کے مطابق کراچی میں آئندہ 24 گھنٹوں کے دوران مطلع جزوی ابر آلود رہنے کا امکان ہے جبکہ شہر میں تیز ہوائیں بھی چلتی رہیں گی۔
محکمہ موسمیات کا بتانا ہے کہ شہر میں کم سے کم درجہ حرارت 27.5 ڈگری سینٹی گریڈ ریکارڈ ہوا جبکہ زیادہ سے زیادہ درجہ حرارت 30 سے 32 ڈگری سینٹی گریڈ رہنےکا امکان ہے۔
حکام محکمہ موسمیات کا کہنا ہے کہ کراچی شہر میں ہوا میں نمی کا تناسب 81 فیصد ہے اور جنوب مغرب سے چلنے والی ہواؤں کی رفتار 30 سے 40 کلو میٹر فی گھنٹہ ہے۔