بھارتی میڈیا کا کہنا ہے کہ جب سے پاک بھارت ٹاکرے کی تاریخ اور  وینیو کا اعلان ہوا ہے تب سے احمد آباد میں ہوٹلوں کے کرائے آسمان سے باتیں کرنے لگے ہیں، متعدد ہوٹلوں کی ویب سائٹس پر ہوٹلوں کے کمروں کےکرائے میں اضافہ دیکھا گیا ہے۔

رپورٹ کے مطابق احمد آباد کے  نریندرا مودی کرکٹ اسٹیڈیم میں ایک لاکھ 25 ہزار سے زائد تماشائیوں کے بیٹھنے کی گنجائش ہے، احمد آباد میں ہونے والے میچ میں کرکٹ شائقین کی غیر معمولی دلچسپی دیکھی جا رہی ہے، عام دنوں میں پانچ ہزار روپے میں ملنے والا کمرہ اب چالیس ہزار روپے میں بُک ہو رہا ہے جب کہ  لگژری ہوٹلز میں کمروں کا کرایہ ایک لاکھ روپے تک پہنچ چکا ہے۔