معروف قوال تاج محمد نیازی حرکت قلب بند ہونے سے کراچی انتقال کر گئے

معروف قوال تاج محمد نیازی حرکت قلب بند ہونے سے کراچی انتقال کر گئے
— ——-++——–++———++—-
کراچی ( عبدالستار مندرہ) پاکستان کے ممتاز قوال تاج محمد نیازی بدھ کی شام دل کا دورہ پڑنے سے انتقال کر گئے مرحوم کی نماز جنازہ بروز جمعرات بعد نماز عصر الانہ مسجد شو مارکیٹ معین نیازی قوال اسٹریٹ میں ادا کی جائے گی مرحوم تاج محمد نیازی کا خانوادہ خانقاہی قوالی کے حوالے سے پاکستان اور ہندوستان سمیت پوری دنیا میں خاص مقام رکھتا ھے تاج محمد کے والد معین نیازی قوال اور بڑے بھائی غوث محمد نیازی بھی قوالی کی دنیا میں نمایاں مقام رکھتے تھے تاج محمد نے اپنے بھائی کے ساتھ ملکر گروپ بنا رکھا تھا اور تاج محمد شاد محمد کے نام سے قوالی کے پروگرام کرتے تھے یہ گروپ چند روز قبل ہی پاکستان بھر کا کامیاب دورہ کر کے کراچی واپس کراچی پہنچا ھے قوالی کی دنیا میں تاج محمد نیازی کو ان کے فن کے حوالے سے یاد رکھا جائے گا جبکہ مرحوم کے بڑے بھائی غوث محمد نیازی نے بھی قوالی کی دنیا میں خوب نام کمایا تھا ان کا انتقال 2012 میں ہوا تھا۔