آشوب چشم سے شدید مسافر از خود فضائی سفر نہ کریں، الرٹ جاری
بارڈر ہیلتھ سروسز نے فضائی مسافروں کیلئے آشوب چشم سے متعلق الرٹ جاری کر دیا۔
جیو نیوز سے گفتگو میں محکمہ بارڈر ہیلتھ سروسز کے ڈائریکٹر مرتضیٰ شاہ نے بتایا کہ ائیرپورٹس پر تعینات طبی عملہ اور ائیرلائنز کو اس سے متعلق ہدایات جاری کر دی گئی ہیں۔
انہوں نے کہا کہ ائیر لائنز آشوب چشم سے متاثر مسافر کو ائیرپورٹ پر محکمہ صحت کے ڈاکٹر سے رجوع کرنے کو کہیں۔
ڈاکٹر مرتضیٰ شاہ کا کہنا تھاکہ اس سے متاثر مسافروں کے سفر پر پابندی عائد نہیں کی جا رہی تاہم محکمہ صحت کے ڈاکٹر متاثرہ مسافر کی حالت دیکھتے ہوئے سفر کے بارے میں ہدایات دیں گے۔
انہوں نے اس سے شدید طور پر متاثر مسافروں کو ہدایت کی ہے کہ وہ از خود سفر سے گریز کریں کیونکہ ایک متعدی مرض ہے اور یہ مرض ایک فرد سے دوسرے فرد میں منتقل ہو سکتا ہے۔