آرٹس کونسل آف پاکستان کراچی کے زیر اہتمام کراچی میں جاری 38 روزہ ”ورلڈ کلچر فیسٹیول کراچی“ ثقافتی رعنائیاں بکھیرتے ہوئے اختتا م پذیر ہو گیا
ٓ احمد شاہ بہادر آدمی ہیں 38روز کا یہ فیسٹیول صرف احمد شاہ کر سکتے تھے ، انور مقصود
میرا مقصد پاکستان اور اس کا جھنڈا ہے،میں نے ایک کچرا کنڈی کو دنیا کا بڑا اداراہ صرف آپ نوجوانوں کے لئے بنایا ہے ، احمد شاہ
کراچی (عبدالستار مندرہ )آرٹس کونسل آف پاکستان کراچی کے زیر اہتمام 38 روزہ ”ورلڈ کلچر فیسٹیول کراچی“ کی اختتامی تقریب وائے ایم سے اے میں منعقد کی گئی، اختتامی تقریب کا آغاز قومی ترانے سے کیاگیا۔جس میں صدر آ رٹس کونسل محمد احمد شاہ ، معروف دانشور و مزاح نگار انور مقصود،چیف سیکریٹری سندھ آصف حیدر شاہ، معروف گلوکار عاصمq اظہر ، اختر چنال ، اور معروف شاعر تہذیب حافی سمیت ملکی اور غیر ملکی فنکارو ں کی بڑی تعداد نے شرکت کی۔ اس موقع پر معروف دانشور و مزاح نگار انور مقصود نے کہا کہ نوجوان ہمارے ملک کا سرمایہ ہیں۔نوجوانوں سے کہوں گا کہ ملک کو چھوڑ کر نہ جائیں۔آرٹس کونسل کراچی اور احمد شاہ کی پوری ٹیم کو مبارکباد دیتا ہوں کہ اتنا بڑا فیسٹیول کامیابی سے منعقد کیا۔احمد شاہ صاحب بہادر آدمی ہیں،ا حمد شاہ صاحب کی محنت رنگ لائی۔ 38دن کے اتنے بڑے فیسٹیول کا انعقاد صرف احمد شاہ ہی کر سکتے ہیں۔ اتنے سارے غیر ملکی فنکاروں کو ایک با حفاظت جمع کرنا یہ احمد شاہ ہی کر سکتا ہے ،صدر آرٹس کونسل محمد احمد شاہ نے کہا کہ یہ فیسٹیول میری اور میری ٹیم کی دن رات کی محنت کا نتیجہ ہے۔میرا مقصد پاکستان اور اس کا جھنڈا ہے۔ امیر سے امیر ہو یا غریب سے غریب تر سب کو آرٹس کونسل میں ایک جیسی عزت ملے گی میں اپنے نوجوانوں کے لیے کام کرنا چاہتا ہوں۔میں مڈل کلاس کا آدمی ہوں میں نے ایک کچرا کنڈی کو دنیا کا بڑا اداراہ صرف آپ نوجوانوں کے لئے بنایا ہے ، آرٹس کونسل میں جتنا ثقافتی انقلاب آیا اس میں سندھ گورنمنٹ نے پورا ساتھ دیا، ہمیں کہتے تھے کہ یہ دہشت گرد ملک ہے آپ لوگ دہشت گرد نہیں ہو اس ملک کو بچانا بھی ہم نے ہے۔تم سارے نوجوان میرے ساتھ جڑے ہوئے ہو ، کراچی میں دھرنے احتجاج چل رہے تھے اس کے باوجود یہ فیسٹیول سندھ حکومت کے تعاون سے ممکن ہو پا یا ۔جب ایئر پورٹ پر دھماکہ ہوا تو ہمارے بیس غیر ملکی فنکاروں کو پیچھے کے راستے سے محفوظ طریقے سے لے کر آئے ۔
چیف سیکرٹری سندھ آصف حیدر شاہ نے کہا کہ اتنے بڑے فیسٹیول کے کامیاب انعقاد پر انور مقصود ، احمد شاہ اور میرے تمام افسران کو سلام پیش کرتا ہوں،اس فیسٹیول میں نہ صرف بین القوامی بلکہ ملکی فنکاروں کا بھی خیال رکھا گیا۔میرے لئے باعث فخر ہے کہ میں آج انور مقصود کے ساتھ یہاں موجود ہوں،ورلڈ کلچر فیسٹیول کراچی کے آخری روز آرٹس کونسل آف پاکستان کراچی کی کارکردگی پر بنائی گئی شو ریل پیش کی گئی ، تقریب میں معروف دانشور و مزاح نگار انور مقصود نے مزاح سے بھر پور گفتگو سے شائقین کو خوب ہنسایا ، جبکہ میگا کانسرٹ میں گلوکار عاصم اظہر، اختر چنال، ارمان رحیم ،مصطفی بلوچ ، منیب خان، اور سمیر حمزہ نے شائقین کو جھومنے پر مجبور کیا تو دوسری جانب معروف شاعر تہذیب حافی نے شرکاءسے داد سمیٹی۔تقریب میں معروف فوک گلوکار اختر چنال کو لائف ٹائم اچیومنٹ ایوارڈ سے نوازا گیا جبکہ معروف گلوکار عاصم اظہر، آذربائیجان کے دادش مامیدوو، محمد علسوی(مصر) ، مدن گوپال(نیپال)، The Arnold & Komarov ٹریولنگ تھیٹر(سوئٹزرلینڈ)، چیف سیکریٹری سندھ سید آصف حیدر شاہ، ڈی آئی جی ساوتھ زون سید اسد رضا، ڈپٹی کمشنر ساوتھ کیپٹن (ر) الطاف ایچ سائرو کو بہترین پرفارمنس پر شیلڈ پیش کی گئی۔ جبکہ تقریب کے آخر میں بڑے پیمانے پر آتش بازی کا مظاہرہ بھی کیا گیا ،اختتامی تقریب کی نظامت کے فرائض نعمان خان نے انجام دئیے۔