ٹوکیو: جاپان میں دوران ملازمت سگریٹ نوشی کی وجہ سے ملازم پر ہزاروں ڈالر جرمانہ عائد کر دیا گیا۔

غیر ملکی خبر رساں ایجنسی کے مطابق جاپان کے شہر اوساکا میں سگریٹ نوشی پر کام کے دوران مکمل پابندی عائد ہے اور اگر کوئی ملازم سگریٹ نوشی کا مرتکب ہوا تو اس کی تنخواہ سے بھاری کٹوتی کر دی جاتی ہے۔

اوساکا میں دوران ملازمت سگریٹ نوشی پر ڈائریکٹر سطح کے 61 سالہ ملازم کو 11 ہزار امریکی ڈالر کی تنخواہ بطور جرمانہ واپس کرنا پڑ گئی کیونکہ وہ 14 سال سے ڈیوٹی کے دوران 4 ہزار 500 مرتبہ سگریٹ نوشی کا مرتکب ہوا تھا۔