ملک میں سونے کی فی تولہ قیمت میں نمایاں کمی

ملک میں سونے کی فی تولہ قیمت میں آج ساڑھے 4 ہزار روپے کی بڑی کمی واقع ہوئی ہے۔

آل پاکستان جیمز اینڈ جیولرز ایسوسی ایشن کے مطابق 4500 روپے کمی کے بعد ملک میں فی تولہ سونے کا بھاؤ 2 لاکھ 4 ہزار 500 روپے ہے۔

10 گرام سونے کی قیمت 3858 روپے کم ہوکر ایک لاکھ 75 ہزار 326 روپے ہے۔ ایسوسی ایشن کے مطابق عالمی بازار میں سونے کا بھاؤ 7 ڈالر بڑھا ہے۔ عالمی صرافہ میں سونے کی فی اونس قیمت 1932 ڈالر ہے۔